ပြည်သူများမှ အာဏာအပ်နှင်းလျှင် ဆက်စ် Education ကို အထက်တန်းသင်ရိုးမှ ချက်ချင်းပယ်ဖျက်နိုင်ကြောင်း ပြည်ခိုင်ဖြိုးပါတီဥက္ကဋ္ဌပြောကြား

ရန်ကုန်၊ မေ ၂၃

ပြည်သူများမှ ထောက်ခံပေးအပ်သည့် အာဏာရ ရှိသည်နှင့် လာမည့် ပညာသင်နှစ် အထက်တန်းသင်ရိုးတွင် ထည့်သွင်းသင်ကြားမည့် ဆက်စ် Education ကိစ္စကို ချက်ချင်း ပယ်ဖျက်ပစ်နိုင်ကြောင်း ပြည်ထောင်စုကြံ့ခိုင်ရေး နှင့် ဖွံ့ဖြိုးရေးပါတီဥက္ကဋ္ဌဦးသန်းဌေး၏ လူမှုကွန်ရက် စာမျက်နှာတွင် ယမန်နေ့က ရေးသားပြောဆိုထားသည်။

ဆက်စ် Education ကိစ္စအပြင် တိုင်းပြည်နှင့် လူမျိုးအတွက် ထိခိုက်နစ်နာမှုများလွန်းသည့် အတွက် ပြည်သူများမှ ထောက်ခံပေးအပ်သည့် အာဏာဖြင့် အရေးတကြီး ချက်ခြင်းရပ်ဆိုင်းပြောင်းလဲ ပစ်ရမည့် လုပ်ငန်းစဉ် များရှိနေ သေးကြောင်းလည်း ပြည်ခိုင်ဖြိုးပါတီ ဥက္ကဋ္ဌဦးသန်းဌေးက ရေးသားထားသည်။

“အထက်တန်းသင်ရိုးပါ ဆက်စ် Education ကိစ္စက မြန်မာ့လူမှု အသိုင်းအဝိုင်းနဲ့ အံမဝင်တဲ့အပြုအမူတွေ၊ ဆယ် ကျော်သက်များအတုယူမှားနိုင်တဲ့ အခြေအနေတွေကြောင့်လက်မခံနိုင်ပါ။ ဒါကြောင့် ဥယျာဉ်မှူးအသစ်က အဆိပ်ပင်ကို အမြစ်ကစနှုတ်ယူ ရှင်းလင်းမယ်လို့ပြောခဲ့ဖူးပါတယ်။ ပြည်သူ့ mandate (လုပ်ပိုင်ခွင့်၊ အာဏာ) ရတာနဲ့ သင်ရိုးကနေ ချက်ချင်းကောက်နုတ် ပယ်ဖျက်လို့ ရပါတယ်”ဟု ဦးသန်းဌေးက ရေးသားပြောဆိုထား သည်။

ဆက်စ် Education ကိစ္စကဲ့သို့ အလွယ်တကူပယ်ဖျက်ရန် မဖြစ်နိုင်သော်လည်း တိုင်းပြည်နှင့် လူမျိုးအတွက် ထိခိုက်နစ်နာမှုများလွန်းသည့် အတွက် ပြည်သူ့ mandate ဖြင့် အရေးတကြီး၊ ချက်ခြင်း၊ ရပ်ဆိုင်း၊ ပြောင်း လဲပြစ်ရမယ့်လုပ်ငန်းစဉ်မှာ ကိုဖီအာနန်ကော်မရှင် မှအစပြုပြီးဖြစ်ပွားသည့် ICJ ကိစ္စ၊ ICCPR လက်မှတ်ထိုးခြင်း ကိစ္စစသဖြင့် နောက်ထပ်နောက်ထပ် မြန်မာအများစုမသိ နားမလည်ဘဲ မြန်မာ့ Agenda (လုပ်ငန်းစဉ်) ထဲမှာ ရောက်ရှိနေသည့်ကိစ္စရပ်များဖြစ်ကြောင်းလည်း ၎င်းကဆိုသည်။

ထို့အပြင် ပြည်သူများ၏ ပိုက်ဆံအိတ်၊ ပြည် သူများ၏ ရိုးရာယဉ်ကျေးမှုဇာတိဂုဏ်တို့နှင့် လတ်တလောသက်ဆိုင်သည့် အတွက် ပွဲဆူနေသောမီတာခကိစ္စ၊ ကျောင်းစာသင်ရိုးကိစ္စများဖြင့် ပြည်သူများ အာရုံနောက်နေချိန်၌ ဘင်္ဂါလီကိစ္စ၊ ICJ ကိစ္စ၊ ICCPR ကိစ္စများသည် လည်း ခေါင်းမြီးခြုံကာ အရှိန်အဟုန်ဖြင့် လှုပ်ရှားနေသည့်အတွက် သတိရှိကြဖိုလိုကြောင်းလည်း ပြည်ခိုင်ဖြိုး ပါတီဥက္ကဋ္ဌက သတိပေးပြောဆိုရေးသားထားသည်။

“မြန်မာ့ ယဉ်ကျေးမှုကို ပျက်စီးစေမယ့် အဆိပ်ပင်သင်ရိုးညွှန်းတန်းထက်ဆိုးတဲ့ ဖော်ပြပါကိစ္စများကိုလဲ ပြည်သူ တွေက mandate ပေးလာရင် မြန်မာ့ Agenda ထဲက ကောက်နှုတ်ပယ်ဖျက်၊ လိုအပ်ရင်ဆိုင်ရာအဖွဲ့အစည်း က နုတ်ထွက်သင့်ရင်နုတ်ထွက်၊ တချို့နိုင်ငံတကာအဖွဲ့အစည်းဆိုတာတွေကို တားဆီးကန့်သတ် ပိတ်ပင် ရမှာတွေ တန်းစီပြီးရှိနေပါတယ်”ဟု ၎င်း၏လူမှုကွန်ရက် စာမျက်နှာတွင်းရေးသားထားခဲ့သည်။

ထို့အပြင် ပြည်ခိုင်ဖြိုးပါတီ ဥက္ကဋ္ဌဦးသန်းဌေးက နိဂုံးချုပ်အနေဖြင့်လည်း “ကိုယ့်နိုင်ငံက ချမှတ်ထားတဲ့လမ်း ကြောင်း၊ ကိုယ်မျှော်လင့်ထားတဲ့ရလာဒ်နဲ့ ဆန့်ကျင်နေတဲ့အတွက် non align movement ခေါ်တဲ့ ဘက် မလိုက်အဖွဲ့အစည်းက တရားဝင်နုတ်ထွက်ခဲ့တာ၊ ပြန်ဝင်သင့်တဲ့အချိန်မှာပြန်ဝင်ခဲ့တာတွေကို ဘယ်နိုင်ငံတ ကာ ညွှန်ကြားချက်မှမပါပဲ အမျိုးသားအကျိုးစီးပွားနဲ့ယှဉ်ပြီး မြန်မာခေါင်းဆောင်တွေကိုယ်တိုင်ကပဲချမှတ်ခဲ့တာ၊ မြန်မာ့သမိုင်းမှာ ထင်ထင်ရှားရှား ပူပူနွေးနွေးရှိနေပါသေးတယ်။

အမျိုးသား အကျိုးစီးပွားအတွက် ဒီလိုတာဝန်ယူ နိုင်မယ့် ပုဂ္ဂိုလ်၊ အဖွဲ့အစည်းမျိုးကို တာဝန်ပေးရမှာ အလုပ်ခိုင်းရမှာက ပြည်သူတွေ ကိုယ်တိုင်ပါ။ တာဝန်ပေး ရင် သုတ်သင်ရှင်းလင်း ကြပါလိမ့်မယ်။ တာဝန်ပေးရင် သုတ်သင်ရှင်းလင်းကြပါလိမ့်မယ်” ဟု ပြည်သူများကိုယ် တိုင် တာဝန်ပေးရှင်းလင်း သုတ်သင်ကြရမည်ဖြစ်ကြောင်း ရေးသားပြောဆိုထားခဲ့သည်။

လေးစားမှုဖြင့် ခရစ်ဒက် PeopleMedia

Add a Comment

Your email address will not be published. Required fields are marked *