ပေါက်ကွဲလုနီး အခြေအနေ ရောက်လာ သည့် တရုတ် – အမေရိကန် ဆက်ဆံရေး

အမေရိကန် ပြည်ထောင်စုနှင့် တရုတ်နိုင်ငံ အကြား ဆက်ဆံရေး သည် ပြီးခဲ့သော လအနည်းငယ် အတွင်း COVID-19 ကပ်ရောဂါဖြစ်ပွားခြင်း အပါအဝင် အခြားသောအကြောင်းရင်းများစွာ တို့ကြောင့် ပြန်လည် ဆိုးရွားလာ ခဲ့သည်။ တရုတ်နိုင်ငံနှင့် ပတ်သက် ၍ နည်းလမ်းများစွာ လုပ်ကိုင်နိုင်သည်များရှိပြီး ဆက်ဆံရေးအားလုံးကို ဖြတ်တောက်ပစ်နိုင်သည်ဟု မေလ ၁၅ ရက်နေ့က ‘FOX’ သတင်းဌာနနှင့်ပြုလုပ်သော တွေ့ဆုံမေး မြန်းခန်းတခု တွင် သမ္မတဒေါ်နယ်ထရန့်က ပြောသည်။ တရုတ် သမ္မတရှီကျင့်ဖျင်နှင့် ကောင်းမွန်သောဆက် ဆံရေးရှိနေသော်လည်း လက်ရှိအချိန် တွင် ဆွေးနွေးပြောဆိုလိုသည့် ဆန္ဒမရှိဟု ထရန့်က သတင်း ထောက်များ၏မေးမြန်းမှုကို ပြန်လည်ဖြေကြား ခဲ့သည် ။

ပုံမှန်အားဖြင့် နွေးထွေးမှုသိပ်မရှိသော နှစ်နိုင်ငံဆက်ဆံရေးသည် COVID-19 ကူးစက်ပြန့်ပွားမှုကြောင့် ပေါက်ကွဲ လုနီးပါးအခြေအနေသို့ ရောက်ရှိလာခဲ့သည်။ နိုင်ငံရေးအကဲခတ်များက အမေရိကန်နှင့် တရုတ်နိုင်ငံ တို့သည် ကုန်သွယ်ရေး၊ တရုတ်(တိုင်ပေ) နှင့် ဟောင်ကောင်အရေး၊ နည်းပညာကဏ္ဍ၊ COVID-19 ကပ်ရောဂါ တို့နှင့်ပတ်သက်ပြီး အဓိက အငြင်းပွားနေကြသည်။ ထိပ်တိုက်တွေ့နေကြ သည်။

နှစ်နိုင်ငံ တို့ သည် ပထမအဆင့် ကုန်သွယ်ရေး သဘောတူစာချုပ်ကို ယခုနှစ် ဇန်နဝါရီလက လက်မှတ်ရေးထိုးခဲ့ သည်။ သမ္မတဒေါ်နယ်ထရန့်က တရုတ်နိုင်ငံနှင့်ဆက်ဆံရေးအကောင်းဆုံး အနေ အထားရောက်လာပြီဟု ပြော ကြားခဲ့ သည် ။ အဆိုပါ စာချုပ် ကို အကောင်အထည် ဖော်ရာတွင် တရုတ်နိုင်ငံဘက်မှ အမေရိကန်၏စိုက် ပျိုးရေးမွေးမြူရေးထွက်ကုန်များ တင်သွင်းမှု အပေါ် ကန့်သတ်ချက်များကို ဖြေလျှော့ပေးရမည်ဖြစ်သည်။ တရုတ်ဘဏ္ဍာရေး ကဏ္ဍ ကိုလည်း ဖွင့်လှစ်ပေးပြီး ဉာဏပစ္စည်း မူပိုင်ခွင့်ကာကွယ်ရေးလမ်းညွှန်ချက် တရပ်ကိုလည်း ထုတ်ပြန်ပေးရမည်ဖြစ်သည်။ နှစ်နိုင်ငံသဘောတူစာချုပ်၏ အဓိကဆိုလိုချက် မှာ တရုတ် နိုင်ငံအနေနှင့် အမေရိကန်ပြည်ထောင်စုထံမှ ကုန်ပစ္စည်းနှင့်ဝန်ဆောင်မှုများကို ပိုမိုဝယ်ယူမည်ဆို သောအချက်ဖြစ်သည်။ သို့သော် COVID-19 ကပ်ရောဂါကူးစက်ပြန့်ပွားနေ သည့် ယခုလို အချိန်တွင် တရုတ်နိုင်ငံအနေနှင့် အဆိုပါ ကတိကိုတည်နိုင်ပါမလားဆိုသော မေးခွန်းများပေါ်ထွက်လာသည်။

ပေါက်ကွဲလုနီး အခြေအနေ ရောက်လာ သည့် တရုတ် – အမေရိကန် ဆက်ဆံရေး

တရုတ်(တိုင်ပေ)နှင့် ပတ်သက်ပြီး အမေရိကန်-တရုတ်ဆက်ဆံရေးသည် ယခုနှစ်မေလအတွင်း ပိုဆိုးလာသည်။ တရုတ်(တိုင်ပေ)သည် နိုင်ငံတနိုင်ငံအနေနှင့် ကမ္ဘာ့ကျန်းမာရေးအဖွဲ့ (WHO)၏ အစည်းအဝေးကို တက်ခွင့် ရသင့်၊ မရသင့် အမေရိကန်နှင့် တရုတ်အကြား အငြင်းပွားနေကြသည်။ ထိုင်ဝမ်သမ္မတအဖြစ် ဒုတိယ သက်တမ်းအတွက် ဆိုင်းအင်ဝမ်ပြန်လည် အရွေးခံရသည်။ ယင်းကို အမေရိက န်နိုင်ငံခြားရေးဝန်ကြီး မိုက်ပွန်ပီယိုက ချီးကျူးဂုဏ်ပြုစကား ပြောကြားခဲ့သည်။ ယင်းအချက်က တရုတ်နိုင်ငံအား အကြီးအကျယ် ဒေါသထွက်စေခဲ့သည်။ အမေရိကန်၏လုပ်ဆောင်မှု သည် မှားယွင်းပြီး အန္တရာယ်ရှိသည့်အတွက် နိုင်ငံ၏အချုပ်အခြာကိုကာကွယ်ရန် စစ်ဘက်အနေနှင့် လိုအပ်တာမှန်သမျှလုပ်သွားမည်ဟု တရုတ် ကာကွယ်ရေးဌာနက ထုတ်ပြန်ခဲ့သည်။

ယခု မေလဆန်း က မိုက်ပွန်ပီယို သည် ဟောင်ကောင် ၏ ကိုယ်ပိုင်အုပ်ချုပ်ခွင့်နှင့်ပတ်သက်ပြီး အစီရင် ခံစာတစောင် ထုတ်ပြန်မည့်ကိစ္စကို ရွှေ့ဆိုင်းခဲ့သည်။ ယင်းအစီရင်ခံစာသည် ဟောင်ကောင်ကို ဘဏ္ဍာရေး အချက်အချာနေရာ အဖြစ် ခိုင်မြဲစေဖို့ အမေရိကန်အနေနှင့် ကုန်သွယ်ရေး အထူးအခွင့်အရေးများပေးရန် ရည်ရွယ်သည်ဟုဆိုသည်။ ယခုအခါ ဟောင်ကောင်တွင် တရုတ်အစိုးရဆန့်ကျင်ရေးဆန္ဒပြပွဲများ ပြန်လည် ဖြစ်ပွားနေ သည် ။ ယင်းဆန္ဒပြပွဲများ ကို နောက်ကွယ်မှကြိုးကိုင်သူသည် အမေရိကန်ပြည်ထောင်စုဖြစ်ကြောင်း တရုတ်အစိုးရက အကြိမ်ကြိမ် စွပ်စွဲခဲ့ သည်။

သမ္မတထရန့် အစိုးရသ ည် ပြီးခဲ့သည့်နှ စ်အတွင်း တရုတ်နည်းပညာကုမ္ပဏီများအပေါ် အရေးယူပိတ်ဆို့ မှုများ ချမှတ်ခဲ့သည်။ အဓိကအားဖြင့် တရုတ်နည်းပညာကုမ္ပဏီကြီးဟွာဝေးကို အမည်ပျက်စာရင်းတင် သွင်းခဲ့ သည့် အပြင် အမေရိကန်ပြည်ထောင်စု၏ လုံခြုံရေးကို ခြိမ်းခြောက်သူအဖြစ်လည်း သတ်မှတ်ခဲ့သည်။ ချစ်(ပ်)ပြား ထုတ်လုပ်သော ကုမ္ပဏီများအနေနှင့် ဟွာဝေးနှင့်အခြားတရုတ်နည်းပညာ ကုမ္ပဏီများ အား ကုန်ပစ္စည်းများ မရောင်းချမီ အမေရိကန်အစိုးရထံ မှ ခွင့်ပြုမိန့်ယူ ရမည် ဟု အမေရိက န် ကုန်သွယ်ရေးဌာနက ထုတ်ပြန်ထားသည်။

ယင်းထုတ်ပြန်ချက်အပေါ် တရုတ်ကုန်သွယ်ရေးဝန်ကြီးဌာနက တရုတ်ကုမ္ပဏီ များ ၏ အကျိုးစီးပွားနှင့် အခွင့်အရေးများကို ကာကွယ်ရန် လိုအပ်တာမှန်သမျှ လုပ်ဆောင်သွားမည်ဟု ကြေညာသည်။ အမေရိကန် ပြည်ထောင်စု၏လုပ်ဆောင်ချက် သည် ကမ္ဘာ့နည်း ပညာ လုပ်ငန်း ကို အလွန်တရာ ထိခိုက်နစ်နာစေကြောင်း ဟွာဝေးကုမ္ပဏီက သတိပေးသည်။

နှစ်နိုင်ငံ ဆက်ဆံရေးကို ပိုမိုဆိုးရွားစေသည် ကတော့ COVID-19 ကပ်ရောဂါဖြစ်သည်။ ယင်းဗိုင်းရပ်စ်ကို တရုတ်နိုင်ငံက ဓာတ်ခွဲခန်းတွင်ဖန်တီးသည်ဟု သမ္မတထရန့်က အပြစ်တင်သည်။ ကိုရိုနာဗိုင်းရပ်စ်သည် တရုတ်နိုင်ငံမှ စတင်ဖြစ်ပွား လာခြင်းဖြစ်ပြီး တရုတ်နိုင်ငံအနေနှင့် ကူးစက်မှုနှင့် စတင်ဖြစ်ပွားသည့်ရင်းမြစ်ကို ရပ်တန့်အောင် လုပ်ဆောင်သင့်သည်။ တရုတ်နိုင်ငံသည် တာဝန်ယူ၊ တာဝန်ခံမှုရှိသင့်သည်ဟု ဒေါ်နယ်ထရန့်၏ ရီပတ်ဘလီကန်အမတ်အချို့က ပြောသည်။

ကမ္ဘာ့ကျန်းမာရေးအဖွဲ့ (WHO) သည် တရုတ်အစိုးရဘက်ကိုသာလိုက်ပြီး ဗိုင်းရပ်စ်ကူးစက်မှုကို ကိုင်တွယ်နေသည်ဟု သမ္မတထရန့်က စွပ်စွဲသည်။ WHO သည် COVID-19 တုံ့ပြန်မှုကို ကပျက်ကချော် လုပ်ခဲ့သည်။ အမေရိကန် ပြည်ထောင်စုသည် WHO မှ နုတ်ထွက်မည်ဟုလည်း သမ္မတထရန့်က ခြိမ်းခြောက် ပြောကြားသည်။

အမေရိကန်ပြည်ထောင်စု သည် အခြားနိုင်ငံများ ထက် ကိုရိုနာဗိုင်းရပ်စ်ကြောင့် သေဆုံးမှု၊ ကူးစက်ခံရမှုနှုန်း ပိုများလျက်ရှိသည်။ အဆိုပါအရေးနှင့်ပတ်သက်ပြီး ဖိအားများနှင့် ရင်ဆိုင်နေရသော သမ္မတထရန့် သည် တရုတ်နိုင်ငံနှင့် WHO အပေါ် အပြစ်ပုံချရန် ကြိုးစားနေသည်။ သမ္မတသည် WHO အား ရန်ပုံငွေ ထောက်ပံ့မှုရပ်ဆိုင်းခဲ့သည်။ WHO နှင့် ယင်းအဖွဲ့အကြီးအကဲ တက်ဒရော့စ် တို့ သည် ကိုရိုနာဗိုင်းရပ်စ်အပေါ် တုံ့ပြန်ရာတွင် မကြာခဏဆိုသလို အလွဲအမှားများ ပြုလုပ်ခဲ့ကြောင်း၊ ယင်းက ကမ္ဘာကြီးကို ဆုံးရှုံးမှုများ ဖြစ်ပေါ်စေကြောင်း၊ WHO ၏ ဆုံးဖြတ်ချက်နှင့် လုပ်ငန်းဆောင်တာများ တိုးတက်မှု ရှိ၊ မရှိကို ရက်ပေါင်း ၃ဝ အတွင်း စောင့်ကြည့်သွားမည်ဟုလည်း သမ္မတထရန့်က ပြောသည်။

တရုတ်အစိုး ရ တာဝန် ရှိသူများနှင့် WHO တာဝန်ရှိသူများက သမ္မတထရန့်၏စွပ်စွဲအပြစ်တင်မှုများကို ငြင်းပယ်ခဲ့ကြသည်။ တရုတ်နိုင်ငံခြားရေးဌာန ပြောခွင့်ရပုဂ္ဂိုလ်ကျောက်လီကျန်းက အမေရိကန် ပြည်ထောင်စုသည် ကမ္ဘာ့ကျန်းမာရေးအဖွဲ့အား ရာဇသံထုတ်မည့်အစား ကိုရိုနာဗိုင်းရပ်စ်ကို အနိုင်ယူ ချေမှုန်းရန် တရုတ်အစိုးရနှင့် လက်တွဲလုပ်ဆောင်သင့်သည်ဟု ပြောသည်။

”ကပ်ရောဂါကို တိုက်ဖျက်ရာမှာ အချက်အလက်မှန်များကို ပုံဖျက်ပြီး အခြားသူများအပေါ် အပြစ်တင်တဲ့ အမေရိကန်ပြည်ထောင်စုရဲ့လုပ်ရပ်များကို နိုင်ငံတကာ အသိုက်းအဝန်းက သဘောမတူဘူး။ ဒါဟာ ကပ်ရောဂါတိုက်ဖျက်ဖို့ နိုင်ငံတကာပူးပေါင်းဆောင်ရွက်မှုကို ထိခိုက်စေတယ်”ဟု ကျောက်လီကျန်းက ပြောသည်။

မေလ ၂ဝ ရက်နေ့ တွင် အိမ်ဖြူတော်က တရုတ်ပြည်နှင့်ပတ်သက်ပြီး စာမျက်နှာ ၂ဝ ပါ အစီရင်ခံစာ တရပ် ထုတ်ပြန်သည်။ ယင်းအစီရင်ခံစာတွင် တရုတ်အစိုးရ၏ စီးပွားရေးမူဝါဒများ စစ်ရေးတည်ဆောက်မှု၊ သတင်းမှားဖြန့်ချိမှုနှင့် လူ့အခွင့်အရေးချိုးဖောက်မှုများကို ကျယ်ကျယ်ပြန့်ပြန့် ဝေဖန်တိုက်ခိုက်ထားသည်။

လက်ရှိ ကပ်ရောဂါအန္တရာယ်များနဲ့ပတ်သက်ပြီး မီဒီယာရဲ့စူးစိုက်မှုမှာ တရုတ်ကွန်မြူနစ်ပါတီက မှားမှားယွင်းယွင်း လုပ်ဆောင်ခဲ့တဲ့ အဓိကအချက်ပျောက်ဆုံးနေတယ်”ဟု အိမ်ဖြူတော်အစီရင်ခံစာ မထုတ်ပြန်မီ နိုင်ငံခြားရေးဝန်ကြီးမိုက်ပွန်ပီယိုက ပြောကြားသည်။

”တရုတ်နိုင်ငံကို ၁၉၄၉ ခုနှစ်က စပြီး ကွန်မြူနစ်အစိုးရ၊ ရက်စက်ကြမ်းကြုတ်တဲ့ အစိုးရတဖွဲ့က အုပ်စိုးခဲ့တယ်။ ကုန်သွယ်မှု၊ သိပ္ပံဆိုင်ရာ အပြန်အလှန် ဖလှယ်မှုများ၊ သံတမန်ရေးအရ လက်ကမ်းကြိုဆိုမှု၊ ဖွံ့ဖြိုးဆဲ နိုင်ငံတနိုင်ငံ အဖြစ် ကမ္ဘာ့ကုန်သွယ်ရေးအဖွဲ့တွင် အဖွဲ့ဝင်ဖြစ်ခွင့်ပေးမှုတို့မှတဆင့် တရုတ်အစိုးရဟာ ကျွန်ုပ်တို့ နည်းတူ ဖြစ်လာမယ်ဆိုပြီး ဆယ်စုနှစ်များစွာ စောင့်ကြည့်ခဲ့တယ်။ ဒါတွေ ဖြစ်မလာ ခဲ့ဘူး။ လွတ်လပ်တဲ့နိုင်ငံတွေအပေါ် တရုတ်အစိုးရရဲ့ အတွေးအခေါ်အရ၊ နိုင်ငံရေးအရ ရန်လိုမှုအတိုင်းအတာကို ကျွန်ုပ်တို့ အကြီးအကျယ်လျှော့တွက်ခဲ့မိတယ်။ ကမ္ဘာကြီးအနေနဲ့ ဒီအချက်ကို ယခုအခါသတိပြုလာကြပါ ပြီ”ဟု မိုက်ပွန်ပီယိုက ပြောသည်။

မေ ၂၁ တွင် အမေရိကန် နိုင်ငံခြားဝန်ကြီးဌာနက တရုတ်(တိုင်ပေ)သို့ ခေတ်မီတော်ပီဒိုလက်နက်များ ရောင်းချ ရေးကိစ္စ သဘောတူကြောင်း ကြေညာခဲ့သည်။ ယင်းလုပ်ရပ်က တရုတ် အစိုးရအား ဒေါသထွက်စေမည်မှာ သေချာသည်။ တရုတ်အစိုးရက တရုတ်(တိုင်ပေ)ကို တရုတ်ပြည်မကြီး၏ ပြည်နယ်တခုအဖြစ် သဘောထား သည်။ ဧရာမတော်ပီဒိုကြီးများ၊ အပိုပစ္စည်းများ၊ အထောက်အကူနှင့် စမ်းသပ်ရေးကိရိယာတို့ကို အမေရိကန်ဒေါ်လာ သန်း ၁၈ဝ ဖြင့် ရောင်းချမည်ဖြစ်သည်။

သမ္မတထရန့်သည် တရုတ်ပြည်ကို အဆက်မပြတ်ဖိအားပေးနေသည်။ တဖက်တွင် ထရန့်က တရုတ်သမ္မတရှီကျင့်ဖျင်နှင့် ပုဂ္ဂိုလ်ရေးအရ ဆက်ဆံရေးကောင်းကြောင်း ပြောသည်။ ကိုရိုနာဗိုင်းရပ်စ် ကူးစက်မှုရပ်ဆိုင်းရန် အားထည့်မလုပ်ဆောင်ဟုဆိုကာ တရုတ်ပြည်ကို အကြိမ်ကြိမ်ပြစ်တင်သည်။ ဆန့်ကျင်ဘက်အားဖြင့် တရုတ်အစိုးရနှင့် ဒုတိယအဆင့် ကုန်သွယ်ရေးသဘောတူညီချက်ချုပ်ဆိုချင်ကြောင်း လည်း သမ္မတထရန့်က ပြောသည်။

အမေရိကန်နှင့် တရုတ်နိုင်ငံတို့သည် သမ္မတနစ်ဆင်အစိုးရလက်ထက်တွင် သံတမန်ဆက်ဆံရေး ထူထောင်ခဲ့ကြသည်။ ဒီချဉ်းကပ်မှုက နောင်နှစ်ပေါင်း ၄ဝ ကျော်အကြာမှာ တရုတ်ပြည်တွင် စီးပွားရေး၊ လူမှုရေးပြုပြင်ပြောင်းလဲမှု အတိုင်းအတာကို ထိန်းချုပ်ဖို့ တရုတ်ကွန်မြူနစ်ပါတီရဲ့ ဘောင်ခတ်မှုကို လျော့ပေါ့ တွက်ချက်ခဲ့တယ်ဆိုတာ ထင်ရှားပါတယ်”ဟု အိမ်ဖြူတော်အစီရင်ခံစာက ဖော်ပြသည်။

”နှစ်ပေါင်း ၂ဝ ကျော်အတွင်း ပြုပြင်ပြောင်းလဲမှုတွေ နှေးကွေးသွားတယ်။ ရပ်တန့်သွားတယ်။ ဒါမှ မဟုတ်နေကြောင်း ပြန်လှည့်သွားတယ်”ဟု အစီရင်ခံစာက ဆက်လက်ဖော်ပြသည်။

သံတမန်ရေးအရ သိမ်သိမ်မွေ့မွေ့ ဖိအားပေးမှု အလုပ်မဖြစ်သောအခါ အမေရိကန်ပြည်ထောင်စုသည် တရုတ်ပြည်အပေါ် လူသိရှင်ကြား ဖိအားပေးမှုတိုးလုပ်လာမည်ဖြစ်သည်။ အမေရိကန်နှင့် တရုတ်တို့ နောက်ပိတ်ဆုံးအာဏာပြိုင်ဆိုင်မှုကို ကမ္ဘာ့ကျန်းမာ ရေးအဖွဲ့(WHO)၏ COVID-19 ကပ်ရောဂါကိုင် တွယ်မှုကိစ္စတွင် တွေ့မြင်ရသည်။ မေလ ဒုတိယပတ်အတွင်း ကျင်းပခဲ့သည့် WHO နှစ်ပတ်လည်အစည်း အဝေးတွင် တရုတ်သမ္မတရှီကျင့်ဖျင်က ကမ္ဘာ့ကျန်းမာရေးအဖွဲ့အား ငွေကြေးနှင့် အကူအညီပိုပေးမည်ဟု ကမ်းလှမ်းခဲ့သည်။ တချိန်တည်းတွင် သမ္မတထရန့်က WHO သည် ကိုရိုနာဗိုင်းရပ်စ်ဖြစ်ပွားမှုကို တရုတ် ပြည်နှင့်ပူးပေါင်းပြီး ဖုံးကွယ်ခဲ့သည်။ အမေရိကန်ပြည်ထောင်စုသည် WHO သို့ ရန်ပုံငွေထည့်ဝင်မှု အမြဲ တမ်းရပ်ဆိုင်းသွားမည်ဟု ခြိမ်းခြောက်ခဲ့သည်။

တရုတ်ပြည် သည် စစ်ရေးတည်ဆောက်မှုလုပ်နေသည်။ အမေရိကန်နှင့် အနောက်အုပ်စုနိုင်ငံများ အပေါ် ဆိုက်ဘာတိုက်ခိုက်မှုလုပ်နေသည်။ အမြတ်ကြီးစားခေါင်းပုံဖြတ် စီးပွားရေးအလေ့အထများ အဆုံး သတ်ရန် ကတိပြုသော်လည်း တရုတ်အစိုးရသည် ယင်းကတိများကို ချိုးဖျက်ခဲ့သည်။ သမ္မတအိုဘားမား အစိုးရလက်ထက်နှင့် ထရန့်အစိုးရ၏ ပထမနှစ်နှစ်အတွင်း တရုတ်ပြည်သည် စီးပွားရေးအကျိုးအမြတ်အတွက် ကုန်သွယ်မှုလျှို့ဝှက်ချက်များခိုးယူရန် အစိုးရက ဦးဆောင်ဦးရွက်ပြုသော ဆိုက်ဘာတိုက်ခိုက်မှုများ ရပ်ဆိုင်းမည်ဟု ကတိပြုခဲ့ကြောင်း၊ သို့သော် တရုတ်ပြည်သည် စီးပွားရေးသတင်းအချက်အလက် ခိုးယူရန်နှင့် ဉာဏနည်းပညာမူပိုင်ခွင့်ကို ပစ်မှတ်ထားရန် ကွန်ပျူတာများကို ထိုးဖောက်ဝင်ရောက်ခဲ့ကြောင်း၊ ၂ဝ၁၈ ခုနှစ် နှစ်ကုန်ပိုင်းတွင် အမေရိကန်ပြည်ထောင်စုနှင့် အခြားနိုင်ငံပေါင်းတဒါဇင်က အစီရင်ခံခဲ့ကြသည်။

”၁၉၈ဝ ပြည့်လွန်နှစ်များ ကစပြီး တရုတ်အစိုးရဟာ ဉာဏပစ္စည်းမူပိုင်ခွင့်ကာကွယ်ဖို့ နိုင်ငံတကာ သဘောတူညီချက်မျိုးစုံကို လက်မှတ်ရေးထိုးခဲ့တယ်။ ဒါပေမဲ့ ကမ္ဘာ့ပစ္စည်းအတုများရဲ့ ၆၃ ရာခိုင်နှုန်းကျော်ဟာ တရုတ်ပြည် မှာ အစပြုတယ် ။ ဒါဟာ ကမ္ဘာ့တဝန်း တရားဝင်စီးပွားရေးလုပ်ငန်းများကို ဒေါ်လာဘီလီယံ ရာပေါင်းများစွာ ထိခိုက်နစ်နာခဲ့ရတယ်”ဟု အိမ်ဖြူတော်က ၎င်း၏အစီရင်ခံစာတွင် ဖော်ပြခဲ့ သည် ။

ရှီကျင့်ဖျင်အစိုးရလက်အောက် တွင် တရုတ် အစိုးရ အရာရှိများ သည် နိုင်ငံရေးအတိုက်အခံများကို သန့်စင်ဖယ်ရှားပစ်ခဲ့သည်။ ဘလော့ဂါများ၊ တက်ကြွ လှုပ်ရှားသူများနှင့် ရှေ့နေများကို မတရားသဖြင့် တရား စွဲခဲ့သည်။ မီဒီယာများကို သာမက တက္ကသိုလ်များ၊ စီးပွားရေးလုပ်ငန်းများနှင့် အစိုးရမဟုတ်သော အဖွဲ့အစည်းများကို ဆင်ဆာလုပ်ရန် တင်းကျပ်သောထိန်းချုပ်မှုများ ပြုလုပ်ခဲ့သည်။ နိုင်ငံသားများနှင့် ကော်ပိုရေးရှင်းများသည် အာဏာပိုင်များ၏ ထောက်လှမ်းကြည့်ရှုခြင်းခံနေရသည်။ အစိုးရနှင့် သဘောကွဲလွဲသူဟု ထင်မြင်ယူဆခြင်းခံရသူများကို ဖမ်းဆီး၊ နှိပ်စက်၊ မတော်မတရားပြုနေသည်ဟုလည်း အိမ်ဖြူတော်အစီရင်ခံစာက ဖော်ပြခဲ့သည်။

လက်ရှိတွင် အမေရိကန်ပြည်ထောင်စု သည် ကမ္ဘာပေါ်၌ စီးပွားရေးစစ်ရေးအရ အင်အားအကြီးဆုံးဖြစ်ပြီး တရုတ်ပြည်က ဒုတိယလိုက်နေသည်။ တရုတ်ပြည်သည် မကြာသော ဆယ်စုနှစ်များအတွင်း အမေရိ ကန်ပြည်ထောင်စု ကိုကျော်တက်ပြီး စီးပွားရေး၊ စစ်ရေးအရ နံပါတ်-၁ ဖြစ်လာနိုင်သည်ဟု ပညာရှင်များက ခန့်မှန်းထားသည်။ သမ္မတထရန့်အစိုးရလက်ထက်တွင် တရုတ်ပြည်အပေါ် ယခင်အစိုးရ အဆက်ဆက် ထက် စောင့်ကြည့်ထိန်းချုပ်မှုများ ပြုလုပ်ရန်ကြိုးစားခဲ့သည်။ ဘက်ပေါင်းစုံ၊ နည်းလမ်းပေါင်းစုံဖြင့် ဖိအားပေးမှုများ ပြုလုပ်နေသည်။ ထို့ကြောင့် အမေရိကန်- တရုတ် ဆက်ဆံရေး သည် တိုးတက် ကောင်းမွန်မှုမရှိသည့်အပြင် ပိုမိုဆိုးရွားလာဖွယ်ရှိကြောင်း ပညာရှင်များက သုံးသပ်ကြသည်။

လေးစားစွာဖြင့် ခရစ်ဒက်………..newswatch

Add a Comment

Your email address will not be published. Required fields are marked *