လက်ဇောင်းထက်နေတဲ့ ကင်ဂျုံအမ် ရဲ့ ညီမ ကင်ယိုဂျောင်း ရဲ့ တောင်မြောက်ဗျူဟာ ကမ္ဘာ့ငြိမ်းချမ်းရေးကို ခြိမ်းခြောက်လာမှာလား

ကမ္ဘာ ငြိမ်းချမ်းရေး ကို ခြိမ်းခြောက်လာသော နောက်ထပ် နယ်ခြား ပေါက်ကွဲမှုကြီး

ယမန်နေ့ ဇွန်လ ၁၆ ရက်နေ့ နေ့လည် သုံးနာရီ မတိုင်မီ မြောက်ကိုရီယား နယ်နမိတ် အတွင်းရှိ ကေဆွန်း မြို့ မှ မီးခိုးလုံးကြီးများ ရုတ်ခြည်း ဆိုသလို ထိုးတက်လာသည်ကို တောင်ကိုရီယား ဘက်ခြမ်း မှ တအံ့တဩ တွေ့လိုက်ကြရေ ပေ သည် ။ ဤသည်ကား တောင်-မြောက် ဆက်သွယ်ရေး ရုံးအား မြောက်ကိုရီယား တို့ မှ ဖေါက်ခွဲ ပြစ် လိုက်ခြင်းကြောင့်ပင် ဖြစ် သည် ။ မီးခိုးလုံးများ စဲသွားချိန် တွင် တော့ အဆိုပါ အဆောက် အဦးကြီး သည် အုတ်ကျိုး အုတ်ပဲ့များ ဖြင့် ပြာပုံဘဝ ကျရောက်သွားခဲ့ရပေတော့ သည်။

ကမ္ဘာ ငြိမ်းချမ်းရေး ကို ခြိမ်းခြောက်လာသော နောက်ထပ် နယ်ခြား ပေါက်ကွဲမှုကြီး

မကြာမီမှာပင် မြောက်ကိုရီယား အစိုးရပိုင် မီဒီယာ များက အဆိုပါရုံးကို ဖေါက်ခွဲ ဖျက်ဆီး လိုက်ပြီ ဖြစ်ကြောင်း အောင်ပွဲခံလိုက်သည့်အလား ကြေငြာလာခဲ့သည်။

ဖေါက်ခွဲ ဖျက်ဆီးခြင်း ခံရသော ဆက်သွယ်ရေးရုံးအား ၂၀၀၈ စက်တင်ဘာလ မှ စတင် ဖွင့်လှစ်လာခဲ့ခြင်း ဖြစ်သည်။ ယင်းသည် တောင် နှင့် မြောက် နှစ်နိုင်ငံအကြား သံရုံး သဖွယ် လုပ်ငန်းများ လုပ်ဆောင်လာခဲ့သည်။ အဆိုပါ ရုံး ပေါက်ကွဲမှု နှင့် အတူ နှစ်နှစ်မျှသာ ရှိခဲ့သော နှစ်နိုင်ငံအကြား တင်းမာမှု လျော့ပါးရေးသည်လည်း အဆုံးသတ်သွားခဲ့ပြီ ဖြစ်သည်။

ရုံးအား ဖျက်ဆီးခြင်း မပြုမီကပင် နွေဦးကာလ တလျှောက်လုံး မြောက်ကိုရီယားသည် တာတိုပစ် ဒုံးကျည်များကို တချိန် လုံး ပစ်ခတ် စမ်းသပ်ခဲ့ပြန်သည်။ ထို့အပြင် အစိုးရ ဝါဒဖြန့် ယန္တယား အားလုံးသည်လည်း တောင်ကိုရီယား အပေါ် အင်နှင့် အားနှင့် တိုက်ခိုက်မှုများ ပြုလုပ်နေခဲ့ပြီးလည်း ဖြစ်သည်။ နှစ်နိုင်ငံအကြား ထားရှိသော hot line ခေါ် အရေးပေါ် ဆက်သွယ်နိုင်သည့် တယ်လီဖုန်း လိုင်းအားလည်း ဇွန်လ ၉ ရက်နေ့တွင် ဖြတ်တောက်လိုက်ကြသည်။

ကမ္ဘာ ငြိမ်းချမ်းရေး ကို ခြိမ်းခြောက်လာသော နောက်ထပ် နယ်ခြား ပေါက်ကွဲမှုကြီး

ပြုံယမ်း အစိုးရမှ ယခင်က တပ်များ ရုပ်သိမ်းသွားသော နေရာများ ဖြစ်သည့် စစ်မဲ့ဇုံ နှင့် နယ်စပ်ဒေသများသို့ တပ်များ ပြန်လွှတ်မည်ဟုလည်း ခြိမ်းခြောက်လာခဲ့ပြီ ဖြစ်သည်။ လက်ရှိ အနေအထားအရ မြောက်ကိုရီယားသည် ပဋိပက္ခကြီး အသစ် တခု ဖန်တီးနိုင်ရန် အားထုတ်လာနေခြင်းဟု ပြော၍ရပေသည်။ ထိုသို့ ဖန်တီးခြင်းဖြင့် ၎င်းတို့အတွက် မည်သို့ အကျိုးများလာနိုင်သည်ကိုကား သဲကွဲစွာ မသိနိုင်သေးပေ။

ယခုကဲ့သို့ ရုံးကို လူသိရှင်ကြား ဖေါက်ခွဲပြလိုက်ခြင်းဖြင့် တောင်ဖက်သို့ ခိုလှုံခဲ့ကြသော မြောက်ကိုရီယား တို့မှ မိုးပျံပူပေါင်း များတွင် လှုံ့ဆော်စာများ ချည်ကာ လွှတ်တင်ခဲ့မှုများ အပေါ် ဒေါသထွက်နေကြသော လူများ အားလည်း နှစ်သိမ့်ပေးရာ ရောက်နိုင်သောကြောင့်ဟု ယူဆနိုင်စရာ ရှိနေသည်။ ထိုလုပ်ရပ်များကို ရပ်တန့်အောင် လုပ်ပေးပါမည်ဟု တောင်ကိုရီယားမှ ၂၀၁၈ အတွင်း ကတိပေးထားခဲ့ပြီးလည်း ဖြစ်သည်။

ကမ္ဘာ ငြိမ်းချမ်းရေး ကို ခြိမ်းခြောက်လာသော နောက်ထပ် နယ်ခြား ပေါက်ကွဲမှုကြီး

သို့သော် ထိုသို့ ဝါဒဖြန့် လှုံ့ဆော်စာရွက်များ လွှတ်တင်နေခြင်းသည် ယခုမှ စတင်ခဲ့ခြင်း မဟုတ်ပဲ နှစ်ပေါင်းများစွာ ကြာမြင့်နေပြီ ဖြစ်ပြီး ထိရောက်မှု လည်း မရှိပြန်သဖြင့် ယခုမှ ထိုကိစ္စကို ရေးကြီးခွင်ကျယ် လုပ်လာခြင်းသည် အကြောင်းရှာခြင်းသက်သက်ဟု သုံးသပ်ခဲ့သည်။

တောင်ကိုရီယား အစိုးရမှ မြောက်ကိုရီယား ခိုလှုံလာသူများ ၏ လုပ်ရပ်ကို ဖြိုခွင်းပေးမည်ဟု ပြောလာသဖြင့် တောင်ကိုရီယား နိုင်ငံ အတွင်း လွတ်လပ်စွာ ဖေါ်ပြပြောဆိုခွင့် အတွက် စိုးရိမ်မကင်း ပြောဆိုလာခဲ့ကြသည်။ ကင်ဂျောင်အန်း အစိုးရကတော့ တောင်၏ လုပ်ရပ်များသည် လုံလောက်ခြင်း မရှိဟု ဆိုကာ လက်ခံခဲ့ခြင်း မရှိပေ။

နောက်ထပ် ယူဆစရာဖြစ်လာရသည်ကား စီးပွားရေး ပိုင်းတွင် ၎င်းတို့ လိုအပ်နေမှုများကို လိုက်လျောလာအောင် ဖိအားပေးခြင်း ဖြစ်နိုင်သည်ဟူ၍ပင် ဖြစ်သည်။ သို့မဟုတ်လည်း အမေရိကန်တို့နှင့် နောက်ထပ်တကြိမ် ထပ်မံဆွေးနွေးပြီး စီးပွားရေး ဒဏ်ခတ်မှုများမှ အထိုက်အလျောက် ဖြေလျော့မှုများ ရရန် ကြိုးစားလိုခြင်းကြောင့် ဖြစ်နိုင်သည်ဟုလည်း တွက်ဆခဲ့ကြသည်။

ကိုရီယား နှစ်နိုင်ငံအကြား ဆက်ဆံရေးသည် ယခင်ကတည်းကပင် အခြေအနေ ဆိုးဝါးနေခဲ့ပြီး ဖြစ်သည်။ နှစ်နိုင်ငံအကြား စီးပွားရေး ပူးပေါင်းဆောင်ရွက်မှု (ဆိုလိုသည်က တောင်ကိုရီယား ငွေကြေးများ မြောက်ဖက်ရှိ အစိုးရ ဘဏ္ဍာတိုက်ထဲ စီးဝင်နိုင်ရေး) သည်လည်း ဒဏ်ခတ်ပိတ်ဆို့မှုများ ဖြေလျော့ပေးခြင်း မရှိက ထိထိရောက်ရောက် လုပ်ကိုင်နိုင်စွမ်း မရှိ ဖြစ်နေသည်။ ဒဏ်ခတ် ပိတ်ဆို့မှု များ ဖြေလျော့ပေးနိုင်ရန်ကလည်း မြောက်ကိုရီယား နှင့် အမေရိကန်တို့ အကြား လက်နက်ဖျက်သိမ်းရေး ဆွေးနွေးပွဲ၏ အောင်မြင်မှု အပေါ် တည်မှီ နေပြန်သည်။

လွန်ခဲ့သော နှစ် ဖေဖေါ်ဝါရီလ အတွင်း ပြုလုပ်ခဲ့သော ဒေါ်နယ် ထရန့် နှင့် ကင်ဂျောင်းအန်းတို့ အကြား တွေ့ဆုံမှုသည်လည်း သဘောတူညီချက်တစုံတရာ မရပဲ ပြီးဆုံးသွားခဲ့သည်။ ထိုသို့ အခြေအနေများ ရှေ့မတိုး နောက်မဆုတ် ဖြစ်လာနေခြင်းကို မြောက်ကိုရီယား တို့ စိတ်ပျက်လာခဲ့ပြီး ဆက်ဆံရေး ပိုမို ကောင်းမွန်ရန် ဆက်လက် အားထုတ်ခြင်း မရှိဆိုကာ တောင်ကိုရီယား အစိုးရ အပေါ် အပြစ်ဖို့လာခဲ့ကြပြန်သည်။ တောင်ကိုရီယား ဖက်မှ လူသားချင်း စာနာထောက်ထားမှု ပုံစံဖြင့် မထင်မရှား အကူအညီပေးလာခြင်းမျိုးကို လည်း မြောက် က လက်မခံခဲ့ပြန်ပေ။

ကမ္ဘာ ငြိမ်းချမ်းရေး ကို ခြိမ်းခြောက်လာသော နောက်ထပ် နယ်ခြား ပေါက်ကွဲမှုကြီး

သို့သော် ယခုကဲ့သို့ မိမိလိုလားချက်များ ရနိုင်ရေး အတွက် ဖိအားများ ပေးလာသည့် ဗျူဟာသည် အောင်မြင်ဖို့ အလားအလာ မရှိနိုင်သလောက်ပင် ဖြစ်သည်။ ထရန့်အဖို့ ကိုဗစ်-၁၉ အကျပ်အတည်းကြီး နှင့် နောက်တကြိမ် သမ္မတအဖြစ် ပြန်အရွေးခံနိုင်ရန် အလုပ်များနေ၍ မြောက်ကိုရီယား အပေါ် အာရုံမထားနိုင် ဖြစ်နေပြန်သည်။ ကေဆွန်း ပေါက်ကွဲမှုကြီး ဖြစ်ပြီး မကြာမီမှာပင် အမေရိကန် နိုင်ငံခြားရေး ဝန်ကြီးဌာနမှ တောင်ကိုရီယားအား အဆိုးဖက်သို့ ရောက်သွားစေမည့် အပြုအမူမျိုးမှ ရှောင်ကြဉ်ရန် ဟူသည့် ပြောနေကျ ကြေငြာချက် မျိုးသာ ထုတ်ပြန်ခဲ့သည်။

သို့သော် အမြဲလို ပြေပြေလည်လည် ပြောလေ့ရှိသည့် တောင်ကိုရီယား ဖက်မှ လေသံမှာ တင်းမာလာခဲ့ပြီ ဖြစ်သည်။ တောင်ကိုရီယား ဗိုလ်ချုပ်ကြီး တဦးသည် မြောက်မှ နောက်ထပ် စစ်ရေးအရ လှုပ်ရှားလာမည်ဆိုက တန်ဖိုးကြီးကြီး ပေးဆပ်ရလိမ့်မည်ဟု ဟိန်းဟောက်လိုက်ပြန်သည်။ သမ္မတ မွန်ဂျေးအင် ရုံးကလည်း မိမိတို့ အနေဖြင့် မြောက်ကိုရီယား၏ “အဓိပ္ပါယ်မဲ့ ရိုင်းစိုင်းသည့် လုပ်ရပ်များ” ကို နောက်ထပ်သည်းခံနိုင်စွမ်း မရှိတော့သဖြင့် “အခြေခံ လောကဝတ်များ” ကို တော့ လိုက်နာပေးရန် တိုက်တွန်း ကြောင်း ကြေငြာချက် ထုတ်ပြန်ခဲ့သည်။ ထိုအတိုင်းဆိုက မွန်ဂျေးအင် သည် ကင်ဂျောင်အန်း၏ လိုလားချက်များကို လက်သင့်ခံမည့် အလားအလာ မတွေ့ရပေ။

ကမ္ဘာ ငြိမ်းချမ်းရေး ကို ခြိမ်းခြောက်လာသော နောက်ထပ် နယ်ခြား ပေါက်ကွဲမှုကြီး

နောက်ထပ် ဖြစ်နိုင်ချေတခုကား မြောက်၏ လုပ်ရပ်သည် ၎င်းတို့၏ ပြည်တွင်းရေး နှင့် သက်ဆိုင်နေသလားဟု ယူဆချက် ထွက်ပေါ်လာခဲ့ရပြန်သည်။ ယခုလို ဆက်သွယ်ရေး ရုံးအား မဖေါက်ခွဲမီ တောင်အပေါ် ဝါဒ ဖြန့်ချီရေး ကမ်းပိန်းအား ဦးဆောင်နေသူမှာ ညီမ ဖြစ်သူ ကင်ယိုဂျောင်း ဖြစ်နေသည်။သူမသည် တောင်ကိုရီယား အား ပြင်းထန်သော စကားလုံးများသုံးကာ ဝေဖန်တိုက်ခိုက်နေခဲ့သည်။ သူမ၏ တင်းမာသော သဘောထား နှင့် အနေအထားကို မြောက်ကိုရီယား အစိုးရမှ မြေတောင် မြှောက်ပေးရန် ကြိုးစားနေခြင်းလောဟု သုံးသပ်ခဲ့ကြပြန်သည်။

ယခုနှစ် အတွင်း ကင်ဂျောင်အန်းသည် လူမြင်ကွင်းမှ ထူးထူးခြားခြား ပျောက်ကွယ်နေပြန်သည်။ ထို့အတွက် သူ၏ ကျန်းမာရေး နှင့် သူ့နေရာ မည်သူ ဆက်ခံမည် များနှင့် ပတ်သက်ပြီး ထင်ကြေးများ ထွက်ပေါ်လာနေသည်။

ကမ္ဘာ ငြိမ်းချမ်းရေး ကို ခြိမ်းခြောက်လာသော နောက်ထပ် နယ်ခြား ပေါက်ကွဲမှုကြီး

သူ့နေရာ ဆက်ခံမည့် စာရင်းတွင် ညီမဖြစ်သူသည် ထိပ်ဆုံးမှ ပါဝင်နေသည်။ ယခုလုပ်ရပ်သည် မြောက်ကိုရီယား အစိုးရမှ နိုင်ငံသားများ အပေါ် ကိုဗစ်-၁၉ နှင့် ပတ်သက်ပြီး တင်းကျပ်စွာ တားမြစ်ထားသည့် ကွာရန်တင်း လုပ်ရပ်များကြောင့် စီးပွားရေး တွင် အကျပ်အတည်းများ ရှိလာနေမှုမှ အာရုံ လွှဲနိုင်မည်လည်း ဖြစ်သည်။ (ယခုထက်ထိ ကူးစက်သူ တဦးတလေမျှ မရှိဟု ကြွေးကြော်နေဆဲ ဖြစ်သည်)။

မည်သို့ပင် ရည်ရွယ်ချက် ရှိသည် ဖြစ်စေ မြောက်ကိုရီယားသည် လူသူကင်းမဲ့နေသော အဆောက်အအုံများကိုသာ ဆက်လက် ဖေါက်ခွဲပါစေဟု ဆုတောင်းရတော့မည်သာ ဖြစ်သည်။

(ဇွန်လ ၁၇ ရက်နေ့ အီကော်နော်မစ် မဂ္ဂဇင်း မှ “Out with a bang: North Korea blows up détente with the South”)

လှစိုး​ဝေ

(လေးစားစွာဖြင့်)

Add a Comment

Your email address will not be published. Required fields are marked *