ရာသက်ပန် တရုတ်နိုင်ငံ သမ္မတဖြစ်ရန် သေချာသွားသော ရှီကျင့်ဖျင် ( သို့ ) ” ရှီ ” အား နှစ်ဆယ့်တရာစု ၏ ကားလ်မတ်စ် အဖြစ် ပုံဖေါ်လျက်ရှိ

” ရှီ ” အား နှစ်ဆယ့်တရာစု ၏ ကားလ်မတ်စ်အဖြစ် ပုံဖေါ်လျက်ရှိ

ပြီးခဲ့သည့် ဇွန်လ (၁၅) ရက်နေ့သည်က ရှီကျင့်ဖျင် ၏ မွေးနေ့ဖြစ် သဖြင့် အရေးပါသော ကြေငြာချက် ထွက်ပေါ်လာဖို့ ရှိသည်ဆိုကာ ကွန်မြူနစ် ပါတီဝင်များ ထင်ကြေး အမျိုးမျိုးဖြင့် စောင့်နေခဲ့ကြ သည်။

ထိုနေ့တွင် ပါတီဗဟို သဘောတရားရေးရာ ကျောင်းမှ ထုတ်ဝေသော ပါတီစာစောင်ကြီးတွင် စာလုံးမည်းကြီးနှင့် “ရှီကျင့်ဖင် အတွေးအခေါ် ” အား နှစ်ဆယ်တစ်ရာစု မက်စ် ဝါဒ သဘောတရားရေးရာ လမ်းညွှန်” အဖြစ် ခေါင်းစဉ်တပ်ထားသော ဆောင်းပါးရှည်ကြီးကို ဖေါ်ပြလာ ခဲ့သည်။

အဆိုပါ ဆောင်းပါးကို ရေးသားသူသည် ရှီ ၏ အနီးကပ် လက်ထောက်တဦးလည်း ဖြစ် ပြီး ပါတီဗဟို သဘောတရားရေးရာ ကျောင်း ၏ ဒုတိယ အုပ်ချုပ်ရေးမှုးလည်း ဖြစ်သူ ဟူယီတင် ဆိုသူပင် ဖြစ်သည်။

၎င်းသည် ဆောင်းပါးအား ကပ်ဖါးယပ်ဖါး ပုံစံ ဖြင့် ရေးသားခဲ့ခြင်း မဟုတ်ပဲ နောက်ကွယ် တွင် ကြီးမားသော ရည်ရွယ်ချက် ရှိနေ၍ပင် ဖြစ်သည်။

၎င်း၏တာဝန်သည်ကား တရုတ်ပြည်ကြီးကို တည်ထောင်ခဲ့သူ ဖခင်ကြီးနှင့် တော်လှန်ရေး သူရဲကောင်းကြီး ဖြစ်သူ မော်စီတုန်း အတွေး အခေါ်များထက် ရှီအား ရာစုနှစ်တခုတွင် တကြိမ်သာ ပေါ်ပေါက်ခဲ့သူအဖြစ် ပို၍ အလေးထားလာစေရန် ဖန်တီးပေးရေး ပင် ဖြစ်သည်။

အဆိုပါ ဆောင်းပါးထဲတွင် ယနေ့ တရုတ်ပြည် ၏ ဆိုရှယ်လစ် စနစ်အား တရုတ်လူမျိုးတို့၏ ထူးခြားသော စရိုက် လက္ခဏာများဖြင့် ပြုစုထား ခြင်းဖြစ်၍ နောင် နှစ်ပေါင်း ၅၀၀ တိုင်အောင်ပင် ကမ္ဘာဆိုရှယ်လစ် သမိုင်း၏ စာမျက်နှာ များတွင် အထူးခြားဆုံး အခန်းကဏ္ဍတခု အဖြစ် ရပ်တည်သွားလိမ့် မည်ဟု ပါရှိခဲ့သည်။

ကားမတ်စ်သည်သာ သူ၏ ဆောင်းပါးကို ဖတ်မိပါက တမလွန်ဘဝမှ မျက်ခုံးလှုပ်နေမည်သာ ဖြစ်သည်။

” ရှီ ” အား နှစ်ဆယ့်တရာစု ၏ ကားလ်မတ်စ်အဖြစ် ပုံဖေါ်လျက်ရှိ

၎င်းက ဆက်လက်ရေးသားထားရာတွင် လက်ရှိ ကမ္ဘာကြီးတွင် ဆိုရှယ်လစ်စနစ် နှင့်အရင်းရှင် စနစ်ဟူ၍ ဝါဒကြီးနှစ်ခုသာရှိနေရာမှ ဆိုရှယ်လစ်စနစ် ဖက်သို့ ယိမ်းယိုင်လာမည့် ကြီးမားသော အပြောင်းအလဲများ တွေ့နေရသည်ဟု ပါရှိခဲ့ပြန်သည်။

အဘယ်ကြောင့် ရှီ၏ ၆၇ နှစ်မြောက် မွေးနေ့ ကို ချိန်ကိုက်၍ ယခုလို တခမ်းတနား ရေးဖွဲ့ နေရပေသနည်း။

တရုတ် ကွန်မြူနစ် ပါတီ အတွင်း အချင်းချင်း နားလည်မှု ဖြင့် ကာလကြာမြင့်စွာကတည်းက ကျင့်သုံးလာမှု တခုရှိနေသည်။ ဤသည်ကို တရုတ်လို “qi shang, ba xia” ခုနှစ်တက် ရှစ်ဆင်းဟု အဓိပ္ပါယ်ရသည်။ ဆိုလိုသည်က ၆၇ နှစ် နှင့် အောက် ငယ်ရွယ်သူများ သည် ရာထူးတွင် ဆက်လက်နေခွင့်ရှိပြီး ၆၈ နှစ် နှင့် အထက် ရှိသူများက ရာထူး ထပ်မယူတော့ပဲ အနားယူရန် ဖြစ်သည်။

ရှီသည် နောက်နှစ်တွင် ၆၈ နှစ် ပြည့်မည်ဖြစ် သဖြင့် ထုံးစံရှိသည့် အတိုင်း လိုက်နာမည်ဆို က ၂၀၂၂ အမျိုးသား ကွန်ဂရက်တွင် ၎င်းအား သမ္မတ အဖြစ် ပြန်လည် ရွေးချယ်ကြတော့ မည် မဟုတ်ပေ။

၂၀၁၈ မတ်လအတွင်း ငါးနှစ် သက်တမ်း နှစ် ကြိမ်သာ ထမ်းဆောင်ရမည်ဆို့သည့် ဖွဲ့စည်းပုံ ပါ ကန့်သတ်ချက်ကို အောင်မြင်စွာ ပြင်ဆင် နိုင်ခဲ့သော်လည်း အချို့သော ပါတီတွင်းအင်အားစုများက သက်တမ်းတိုးမြှင့်လာမည့် အရေးကို ဆန့်ကျင်လာနိုင်သည်။

ရှီ ၏ အာဏာလွန်ဆွဲပွဲသည် ယခုလာမည့် နွေရာသီအတွင်း ပါတီ အပန်းဖြေစခန်းဖြစ် သည့် ဘိုင်ဒေးဟီ တွင် ပါတီထိပ်သီးများ တွေ့ဆုံကြသည့်အခါ ရှီ အား ပါတီ သက်ကြီးများ၏ ထောက်ခံမှု ရမရ ကို စောင့်ကြည့်ရ မည် ဖြစ်သည်။ ဤသည်ကလည်း မရေရှာလှ ပေ။

ရှီသည် ထိုကဲ့သို့ မရေမရာ အနေအထားကို လက်သင့်ခံသူ မဟုတ်သဖြင့် သူ၏ အတွေး အခေါ် သဘောတရားကို နှစ်ဆယ်တစ်ရာစု အတွက် ပဲ့ကိုင် လမ်းည္နန်အဖြစ် ပါတီ၏ ဖွဲ့ စည်းပုံ တွင် လက်ဦးမှု ယူကာ ထည့်သွင်းရန် ကြိုးစားလာခြင်းပင် ဖြစ်သည်။

ထိုအရေးသာ အောင်မြင်မည်ဆိုက သူ့အတွက် တရုတ်ပြည်၏ ရာသက်ပန် သမ္မတ ဖြစ်ဖို့ကား ကြိမ်းသေသွားပြီ ဖြစ်သည်။

ရှီသည် ယခုအခါ ပြည်တွင်းတွင် နိုင်ငံရေး စီးပွားရေး သာမက ပြည်ပတွင်လည်း သံတမန် ရေးရာ အကျပ်အတည်းများနှင့် ရင်ဆိုင်နေရသည်။

ထို့အတွက် သူ၏ အဓိက အတိုက်အခံ အုပ်စု ဖြစ်သော ယခင်သမ္မတ ကျန်စီမင်း နှင့် နီး စပ်သော”ရှန်ဟိုင်း အုပ်စု” ဝင်များကို စတင် ရှင်းလင်းနေပြီ ဖြစ်သည်။

(ဇွန်လ ၁၈ ရက်နေ့ထုတ် Nikkei Asia Review ပါ “Xi’s birthday gift of Marxist deification leaves a lot to unwrap” ဆောင်းပါးမှ ကောက်နှုတ်တင်ပြ သည်)

လှစိုး​ဝေ

Add a Comment

Your email address will not be published. Required fields are marked *