ကြက်တူရွေး ရေသောက်ရုံတင်မဟုတ်တော့ပါ ရေမြှုပ်သွားပြီ ဧရာဝတီမြစ်အောက်ပိုင်းဒေသများ သတိထားကြပါ

ကြက်တူရွေး ရေသောက်ရုံမက ရေမြှုပ်​နေပြီ ဧရာဝတီ မင်းသမီးဒေါသ သတိရှိကြပါ… (Aung Nay Myo)

ဧရာဝတီမြစ်၏ ဒုတိယမြစ် ကျဉ်း (စင်းခန်းနှင့် ရွှေကူမြို့အကြား)မှ လူသိနည်းသော အကြောင်းအရာများကို ဆက်လက် ဖော်ပြသွားမှာ ဖြစ်ပါတယ်။

ဧရာဝတီမြစ် ကတော့ ကမ္ဘ္ဘာသိဖြစ်ပြီး မြန်မာနိုင်ငံအတွက်တန်ဖိုးဖြတ်မရနိုင်သော သဘာဝလက်ဆောင်ပါ။ ဧရာဝတီအမည်နဲ့ ထူးခြားတဲ့ကမ္ဘာသိကတော့ ဧရာဝတီလင်းပိုင်ပါ။ ဒီလင်းပိုင်ဟာ အရှေ့တောင်အာရှက တချို့နိုင်ငံမှာ ရှိသေးသော်လည်း ကျနော်တို့ဧရာဝတီမြစ်ကိုသာ အမည်ပြုသတ်မှတ်ထားလို့ အဆိုပါနိုင်ငံတွင်လည်း ဧရာဝတီလင်းပိုင်ဟုသာ ခေါ်ကြပါတယ်။ မြန်မာနို င်ငံမှာ ဧရာဝတီလင်းပိုင်တွေ အများဆုံးတွေ့ရှိ နေထိုင်ကျက်စားရာကတော့ ဧရာဝတီမြစ် ဒုတိယမြစ်ကျဉ်းအထက် နတ်ခုတ်ရွာအနီးနှင့် စင်းခန်းရွာအနီးရှိ ဧရာဝတီမြစ်ရေပြင်ပါ။ ယခုစင်းခန်းတံတားပတ်ဝန်းကျင်ဖြစ်ပါတယ်။

ကြက်တူရွေး ရေသောက်ရုံတင်မဟုတ်တော့ပါ ရေမြှုပ်သွားပြီ

အဓိကတင်ပြလိုတာ ဧရာဝတီလင်းပိုင်အကြောင်းမဟုတ်ပါဘူး။ အဆိုပါလင်းပိုင်များတွေ့ရှိရာ ဒုတိယမြစ်ကျဉ်းအတွင်းက လူသိနည်းတဲ့ ဝဲနာမည်တွေဖြစ်ပါတယ်။ မြန်မာနိုင်ငံအတွင်း အဓိကမြစ်ကြီးများရှိသကဲ့သို့ မြစ်ချောင်းများအတွင်း၌လည်း နာမည်ကြီးထင်ရှားသည့်ဝဲများစွာ ရှိတတ်ကြပါတယ်။

ချင်းတွင်းမြစ်အတွင်းတလျှောက်ဆိုပါလျှင် ဝဲနာမည်တွေကို စာချိုးနဲ့သိသာပါတယ်။ ” အထက်မှာပေ၊ အောက်မှာရွှေ၊ အလယ်ဝက်သိုက်၊ မျက်ဖြူဆိုက် ” ဆိုသလို ချင်းတွင်းမြစ်အထက်ပိုင်းတွင် ပေဝဲ၊ အလယ်ပိုင်းတွင် ဝက်သိုက်ဝဲ၊ အောက်ပိုင်းတွင် ရွှေစာရေးဝဲ တို့ရှိပါတယ်။ ဒါ့အပြင် စာချိုးတွင်မပါသော နာမည်ကြီး မစိန်ဝဲလည်းရှိပြီး ယခုနှစ်ပိုင်းအတွင်း စက်လှေမှောက်သည့်သတင်းအား သိရှိရပါတယ်။

ကြက်တူရွေး ရေသောက်ရုံတင်မဟုတ်တော့ပါ ရေမြှုပ်သွားပြီ

ဧရာဝတီဒုတိယမြစ်ကျဉ်းအောက်ဘက်အထွက်နားရှိ ရွှေပေါ်ကျွန်းဘုရား နှင့် ရွှေကူဘက်ခြမ်း ငါးဘတ်ဝရွာအကြား လွန်ခဲ့သည့်ဆယ်နှစ်ပတ်ဝန်းကျင်ခန့်က မြစ်အတွင်း ရွှေဖောင်များ အကြီးအကျယ်လုပ်ကိုင်ကြသည့် ရွှေဖောင်လုပ်ငန်းမှာ အဆိုပါ မစိန်ဘက်မှ အစပြုလာရောက်ခဲ့ကြခြင်းဖြစ်သည်။ (မစိန်ရွာဟာ ကလေးဝမြို့ နဲ့ မော်လိုက်မြို့ကြားရှိ ချင်းတွင်းမြစ်ကမ်းပေါ်မှ ရွာကြီးတစ်ရွာဖြစ်ပြီး ၂၀၀၃ခုနှစ်ခန့်က အိမ်ခြေသုံးရာခန့်ရှိပါတယ်။ ရွာရဲ့အထက်ဘက်မှာ မဟာမြိုင်တောမှ စတင်စီးဆင်းပြီး ချင်းတွင်းမြစ်အတွင်းစီးဝင်သော ချောင်းကြီးတစ်ချောင်းရှိပါတယ်။ ရွာရဲ့တစ်ဖက်ကမ်း ချောင်းဝနားမှာ နှစ်ကျိပ်ရှစ်ဆူဘုရားများဖြင့် သာယာလှပပါတယ်။ )

ဆိုလိုရင်းမှာ ယခုကဲ့သို့ မြစ်ချောင်းများတွင် ဝဲများစွာရှိသော်လည်း အမည်များအားလူသိနည်းခြင်း၊ သိသူများမှလည်း မှတ်မှတ်သားသား စာပေအနေဖြင့် ရေးသားခြင်းကို မတွေ့မိခြင်း၊ ဒုတိယမြစ်ကျဉ်းတွင် အခြားဒေသမြစ်ချောင်းများထက် ဝဲပိုများပြီး အဆိုပါဝဲများတွင် သီးခြားနာမည်ရှိနေသည့်အတွက် ဧရာဝတီမြစ် ဒုတိယမြစ်ကျဉ်းအတွင်းမှ ဝဲအမည်များအား လေ့လာလိုသူများအတွက် ဖော်ပြပေးပါရစေ။

ရွှေကူမြို့တစ်ဘက်ကမ်း (ဧရာဝတီမြစ် အနောက်ဘက်ကမ်း) နတ်ခုတ်ရွာ၊ သင်္ဘောအင်းရွာဘက်အခြမ်းရှိ ဒုတိယမြစ်ကျဉ်း (ဒေသအခေါ် ကျောက်တွင်းရိုး) မှ ဝဲအမည်များမှာ ၁။ပွေးခေါင်းဝဲ ၂။ကျောက်သင်ဖြူးဝဲ ၃။သင်္ဘောပျက်ဝဲ ၄။ပေါက်မဝဲ ၅။ကျောက်ကြီးဝဲ(၁) ၆။ခံတက်ကိုင်းဝဲ ၇။ဖျံသေလေးဝဲ ၈။ဖျံသေကြီးဝဲ ၉။ကြက်တူရွေးနှုတ်သီးဝဲ ၁၀။ဗျုန်းဗျုန်းကျဝဲ ၁၁။ နောင်မိုဘုရားဝဲ

ကြက်တူရွေး ရေသောက်ရုံတင်မဟုတ်တော့ပါ ရေမြှုပ်သွားပြီ

စင်းခန်းရွာနှင့် ရွှေကူမြို့ဘက်အခြမ်း (ဧရာဝတီမြစ်အရှေ့ဘက်ကမ်း) ရှိ ဒုတိယမြစ်ကျဉ်း (ဒေသအခေါ်ကျောက်တွင်းရိုး) မှ ဝဲအမည်များမှာ ၁။ကာလမှော်ဝဲ ၂။ဆင်ကပြုတ်ဝဲ ၃။ဥဒေါင်းဝဲ ( နာမည်ကြီးဥဒေါင်းတောင်လှိုင်ဂူရှေ့မှဝဲ ) ၄။မီးကပ်ဝဲ ၅။ရှောက်ခါးဝဲ ၆။စပါးထိုးဝဲ ၇။ဘုံးပင်ဝဲ ၈။ကျောက်ကြီးဝဲ (၂) ၉။ မီးသွေးဝဲ ၁၀။ တိန်ညင်းဝဲ (ဇင်းဘုံရွာသင်္ချိုင်းဝဲ) ၁၁။ သိန်းတောင်ဝဲ ၁၂။ ဝဲမဝဲ (သစ်ထုတ်ရေးဆင်စခန်းအနီး)

ဗန်းမော်မြို့အထက်ရှိ ပထမမြစ်ကျဉ်းအတွင်းမှာလည်း ဝဲအမည်များရှိကြပြီး ကျနော်သိသမျှကတော့ နတ်မော်ယန်ဝဲ၊ ပဒူဝဲ၊ ဆင်ဝဲ၊ ပရှောဝဲ နဲ့ ကြက်တန်းစင်ဝဲတို့ပါ။ (ကျနော်သိလိုသမျှ၊ မရှင်းလင်းသမျှ၊ အခြေအတင်ဆွေးနွေး ငြင်းခုံသမျှ အကြောင်းအရာများအား အမြဲစိတ်ရှည်သီးခံ အချိန်ပေးရှင်းပြလေ့ရှိတဲ့ ရွှေကူမြို့ အမှတ်(၁)ရပ်ကွက်မှ ဦးသန်းဘို၊ ရွှေကူမြို့နယ် NLD ပါတီဥက္ကဋ္ဌ ဦးကိုကိုမြင့် နဲ့ ဦးအေးကိုကို တို့အားကျေးဇူးတင်ပါတယ်။ ကျနော်တို့ ညဆယ်နာရီကျော် တစ်ခါတစ်လေဆယ့်တစ်နာရီကျော်အထိ ဆွေးနွေးငြင်းခုံတတ်တိုင်း ခုံခန်းရပ်ကွက်က ခရေလဘက်ရည်ဆိုင်ကတော့ သီးခံပေးပါတယ်။ )

ကျော်နိုင်ဝင်း (ရွှေကူ)

Add a Comment

Your email address will not be published. Required fields are marked *