တပ်ရင်းမှူး (၁)ဦး အပါအဝင် ရဲဘော် ( ၂၀ ) ခန့်ကို ဖမ်းဆီးထား ” ဟု (AA) အကြမ်းဖက်အဖွဲ့ ထုတ်ပြန်ထားသော်လည်း စိစစ်နေဆဲ ဟု တပ်မတော်ထုတ်ပြန်

အခုလို ဖမ်းဆီးခံ ရတဲ့ ကိစ္စနဲ့ ပတ်သက်လို့ တပ်မတော်အနောက်ပိုင်းတိုင်း စစ်ဌာနချုပ်တိုင်းဦးစီး ဗိုလ်မှူးကြီးဝင်းဇော်ဦး ကို ဒီနေ့မနက် ဖုန်းဆက်သွယ်ခဲ့တယ် လို့သိရပြီး ပြန်လည်ဖြေဆို မ ရှိတဲ့ အတွက် အဆိုပါ ဖမ်းဆီးမှုသတင်း နဲ့ ပတ်သက်ပြီး သီးခြား အတည်ပြုနိုင်ခြင်းတော့ မရှိသေးဘူး လို့လည်း သိရပါတယ်။AA ပြောရေးဆိုခွင့်ရှိသူ ခိုင်သုခကတော့ “ခမရ ( ၇ ) အဲ့ဒီ တပ်ရင်းမှူး သက် နိုင်ဦး အပါအဝင် တပ်မတာ် သား ၂၀ ဦးကို ကျနော်တို့ လက်နက်ခဲယမ်းတွေအတူ စစ်မြေပြင်မှာ ဖမ်းဆီးရရှိထားတာ ရှိတယ်။

နောက်ထပ် လ ည်း အလောင်း ၂၀ ကျော်လောက် သိမ်းဆည်းရမိထားတာရှိတယ်။ တပ်ရင်းမှူးနဲ့ အတူတူ နောက်ထပ်အရာရှိ ဘယ်နှစ် ယောက်ပါတယ်ဆိုတာကိုတော့ ကျနော်တို့အားလုံးစစ်ဆေး လို့ ပြီးမှာပဲ ပြောလို့ရမယ် ” လို့ ပြော ပါတယ်။ မြန်မာ့ တပ်မတော်ဘက် က တပ် ရင်းမှူး အပါအဝင် အရာရှိနဲ့ ရဲဘော် အယောက် ၂၀ လောက်ကို ဖမ်းဆီး ရမိထားတယ်လို့ ( AA ) အကြမ်းဖက်အဖွဲ့ က သတင်းထုတ် ပြန်ပါတယ်။

ပလက်ဝ

ချင်းပြည်နယ်၊ ပလက်ဝမြို့နယ်၊ မီးဝဗျူးဟာကုန်းမှာ တပ်မတော်နဲ့ AA အကြမ်းဖက် သောင်းကျန်းသူ တို့ အကြား မတ်လ ၁၀ ရက်နေ့က ဖြစ်ပွားခဲ့တဲ့ တိုက်ပွဲအတွင်းမှာဖမ်းမိခဲ့တာလို့ ဆိုပါတယ်။အဲ့ဒီတိုက်ပွဲမှာ မီးဝဗျူဟာကုန်းကို စစ်ကူပေးဖို့လာတဲ့ မြန်မာ့တပ်မတော်ရဲ့ စစ် ကြောင်းတွေ ထဲက တပ်မ (၇၇) လက်အောက်ခံ ပဲခူးတိုင်း၊ ဘုရားကြီးမြို့ အခြေစိုက် ခမရ(၇) ရဲ့ တပ်ရင်းမှူး သက်နိုင်ဦးအပါအဝင် အရာ ရှိ၊ အကြပ်၊ ရဲဘော်အားလုံးစုစုပေါင်း ၂၀ ဦးလောက်ကို ဖမ်းဆီးနိုင်ခဲ့တယ်လို့ AA က သတင်းထုတ်ပြန်ချက်မှာ ဖော်ပြပါတယ်။

တပ်မတော်သတင်းမှန်ပြန်ကြားရေးအဖွဲ့က ဗိုလ်ချုပ် ထွန်းထွန်းညီ ကတော့ “ အဲဒါနဲ့ ပတ်သက်ပြီး ကျွန်တော်တို့ စိစစ် နေဆဲပါဗျ။ အဲဒီ နေ့က တိုက်ပွဲ ဖြစ်ပွားမှုတော့ ရှိပါ တယ်။ မြေပြင် အခြေအနေ တော့ စိစစ်ဆဲပဲ။ အဲဒီနောက်ဆုံး အခြေအနေလေးကတော့ ကျွန်တော် တို့ မသိသေးဘူးဗျ။ ထိတွေ့မှုဖြစ်တာလေးတွေ ရှိတယ်။ အဆက်အသွယ်ပြတ်တာလေးတွေဖြစ်တာရှိတယ်။ ဒါမျိုးတွေတော့ ကျွန်တော်တို့ ရှိပါ တယ်ဗျ။ ဒါပေမယ့် တိတိကျကျ မသိရသေးတဲ့အတွက် ကျွန်တော်တို့က ပြောလို့မရသေးတာပေါ့”ဟု ပြောသည်။

REF: MIZZIMA

Add a Comment

Your email address will not be published. Required fields are marked *