နိုင်ငံတွင်း အဝင်အထွက် အားလုံး ပိတ်ထားဖို့ မလေးရှား ဝန်ကြီးချုပ် အမိန့်ထုတ်

ဗိုင်း ရပ်စ် ပျံ့နှံ့မှုတွေ ကို တားဆီးမယ့် အစီအမံ တစ်ရပ် အဖြစ် မလေးရှား နိုင်ငံမှာ ပြည်ဝင်ပြည်ထွက် ခရီးစဉ်တွေ အားလုံးကို နှစ်ပတ်ကြာ ပိတ်ပင်မယ့် အမိန့် ထုတ်ပြန်လိုက် ပါ တယ် ။ မလေးရှား ဝန်ကြီးချုပ်သစ် မူဟ်ယစ်ဒင် ယာဆင်က မတ်လ ၁၆ ရက်မှာ တစ်နိုင်ငံလုံး ကို ရုပ်မြင်သံကြားကနေတဆင့် မိန့်ခွန်း ပြောခဲ့ရာမှာ ဒီအထူးအမိန့်ကို ထည့်သွင်း အတည်ပြုသွားခဲ့ ပါတယ် ။ အဲဒီ ပိတ်ပင်မှုဟာ Covid-19 ကိုရိုနာဗိုင်းရပ်စ် ကူးစက်မှုတွေ ကို တားဆီးဖို့ နိုင်ငံသားတွေ ရဲ့ လှုပ်ရှားသွားလာမှု ကို ထိန်းချုပ်တဲ့ အစီအမံ ရဲ့ အစိတ်အပိုင်း တစ်ရပ်လို့ ဝန်ကြီးချုပ်က ပြောပါတယ်။

မလေးရှား အစိုးရ ရဲ့ အမိန့်အရ မတ်လ ၁၈ ရက်နေ ၃၁ ရက်နေ့ထိ နိုင်ငံသားတွေအားလုံး ပြည်တွင်းကနေ ထွက်ခွာခွင့် တားမြစ်ပြီး နိုင်ငံခြားသားတွေကိုလည်း ဝင်ရောက်ခွင့် မပြုတော့ပါဘူး ။ နိုင်ငံရပ်ခြားကနေ ပြန်လာတဲ့ မလေးရှား နိုင်ငံသားတွေဟာ ရောဂါခြေချုပ် သတ်မှတ်ချက် ၁၄ ရက်တာ စောင့်ကြည့်မှု ကို ခံရမယ်လို့ ဆိုပါတယ်။

နိုင်ငံတွင်း အဝင်အထွက် အားလုံး ပိတ်ထားဖို့ မလေးရှား ဝန်ကြီးချုပ် အမိန့်ထုတ်

တစ်နိုင်ငံလုံးမှာလည်း လူစုလူဝေး ပြုလုပ်တဲ့ ကိစ္စတိုင်းကို ပိတ်ပင်လိုက်ပါတယ်။ လူတွေ အများအပြား စုပြုံနေမယ့် ဘာသာရေး ပွဲတော်တွေ၊ အားကစားပွဲတွေ၊ တခြားလူမှုရေးနဲ့ ယဉ်ကျေးမှု အစီအစဉ်တွေ အားလုံးကို တားမြစ်လိုက်ပါတယ်။ ဒီသတ်မှတ်ချက်တွေကို ဥပဒေ တစ်ရပ်အနေနဲ့ ကြပ်မတ် လိုက်နာရမှာဖြစ်ပြီး ဝတ်ပြုတဲ့ နေရာတွေ၊ လူထူတဲ့ ရုံးလုပ်ငန်း နေရာတွေကို ပိတ်ထားစေမယ်လို့ ဝန်ကြီးချုပ်က ပြောပါတယ်။ စူပါမားကက်တွေက အစားအသောက်နဲ့ ဆေးဝါး ဈေးတန်းတွေ၊ စားသောက်ကုန် ရောင်းချတဲ့ ကုန်စုံဆိုင်တွေကိုတော့ နေ့စဉ် လိုအပ်ချက်အရ ဖွင့်လှစ်ခွင့် ပြုသွားမှာ ဖြစ်ပါတယ်။ ကျောင်းတွေနဲ့ တက္ကသိုလ်တွေ အားလုံးကိုလည်း ပိတ်ထားရမယ်လို့ ဝန်ကြီးချုပ်က ညွှန်ကြားသွားပါတယ်။

နိုင်ငံတွင်း အဝင်အထွက် အားလုံး ပိတ်ထားဖို့ မလေးရှား ဝန်ကြီးချုပ် အမိန့်ထုတ်

မတ်လ ၁၆ ရက်ထိ စာရင်းတွေအရ မလေးရှားမှာ ဗိုင်းရပ်စ် ကူးစက်ခံရသူ ၅၅၃ ဦးထိ အတည်ပြု တွေ့ရှိပြီး အသေအပျောက်တော့ မရှိသေးပါဘူး။ အခုဆိုရင် မလေးရှားဟာ အရှေ့တောင်အာရှ ဒေသတွင်းမှာ ကူးစက်နှုန်း အမြင့်ဆုံး နိုင်ငံအနေနဲ့ ရပ်တည်နေပါတယ်။ မလေးရှားမှာ တွေ့ရှိတဲ့ ကူးစက်လူနာ အားလုံးထဲက ၃၀၀ ကျော်ဟာ ပြီးခဲ့တဲ့ လကုန်ပိုင်းက ကွာလာလမ်ပူမှာရှိတဲ့ ဗလီတစ်ခုမှာ ပြုလုပ်တဲ့ ဘာသာရေး ပွဲတော်တစ်ခုနဲ့ တိုက်ရိုက် ဆက်စပ်နေကြောင်းလည်း သိရပါတယ်။ အဲဒီ ပွဲတော်ကို နိုင်ငံပေါင်းစုံက လူပေါင်း ၁၆၀၀၀ လောက် တက်ရောက်ခဲ့ပြီး ပွဲတော်ကို ရောက်ရှိခဲ့တဲ့ ဘရူနိုင်းနဲ့ စင်ကာပူ နိုင်ငံသား တချို့ပါ ကူးစက်ခံရကြောင်း ဖော်ထုတ် တွေ့ရှိထားပါတယ်။

Add a Comment

Your email address will not be published. Required fields are marked *