တရုတ် အစိုးရ ကြေငြာလိုက်တဲ့ ကိုရိုနာ ကို တိုက်ဖျက်ရာမှာ အကျိုးသက်ရောက်မှုရှိတဲ့ ဆေး

ဂျပန် ဆေးဝါး ကုမ္ပဏီ တစ်ခု က ထုတ်လုပ်တဲ့ Avigan ဆိုတဲ့ တုပ်ကွေးဆေး တစ်မျိုးဟာ ကိုရိုနာ ဗိုင်းရပ်စ်ကူးစက်ခံ လူနာတွေ အတွက် အကျိုးသက်ရောက်မှု ရှိခဲ့တာကို တွေ့ရှိခဲ့ကြောင်း တရုတ် သုတေသန ပညာရှင်တွေက ပြောခဲ့တာဖြစ်ပြီး ဒါကိုကျယ်ကျယ်ပြန့်ပြန့် သုံးစွဲဖို့ တိုက်တွန်း လိုက်တာဖြစ်ပါတယ်။

ဒီဆေး စမ်းသပ်မှုရလာဒ် အကြောင်းကို ဘေဂျင်းမြို့မှာ ပြီးခဲ့တဲ့ အင်္ဂါနေ့ကပြုလုပ်သော သတင်းရှင်းလင်းပွဲ တစ်ခုမှာ အမျိုးသားဇီဝ နည်းပညာဖွဲ့ဖြိုးရေး စင်တာရဲ့ ဒါရိုက်တာဖြစ်သူ Zhang Xinmin က ပြောခဲ့တာပါ။

photo credit
photo credit

နိုင်ငံတွင်း က ကျန်းမာရေးအဖွဲ့နှစ်ဖွဲ့ရဲ့ ဆေးဝါးဆိုင်ရာ စမ်းသပ်ကုသမှုနဲ့ အတူဒီဆေးဟာ အကျိုးသက်ရောက်ရှိကြောင်း ရှာဖွေတွေ့ရှိခဲ့ကြောင်း နဲ့ ဒီဆေးဟာ ကိုရိုနာနဲ့ ဆက်နွယ်နေတဲ့ အဆုတ်ရောင်ရောဂါ လက္ခဏာတွေ အတွက်လည်း ဆိုးကျိုးမရှိပဲ အကျိုးသက်ရောက် မှုသာ ရှိစေတယ်လို့ သူကပြောခဲ့တာဖြစ်ပါတယ်။

ဝူဟန်မြို့က ကိုရိုနာ ကူးစက်ခံရသူ ၂၈၀ နဲ့ Shenzhen မြို့က လူနာ ၈၀ အပေါ်မှာ ဒီဆေးနဲ့စမ်းသပ် ခဲ့ကြတာဖြစ်ပါတယ်။ တချို့ကိုတော့ ဒီဆေးပေးပြီး တချို့ကိုတော့ ဆေးဝါးမပါပဲ ဒီအတိုင်းစောင့်ကြည့်ခဲ့ရာမှာ ဒီဆေးပေးလိုက်တဲ့ လူနာတွေဟာ ၄ ရက်ကြာပြီးတဲ့ နောက် ပြန်လည်ကျန်းမာ လာခဲ့ပြီး ဆေးမသောက်ခဲ့တဲ့ လူနာတွေကတော့ ၁၁ ရက်ကြာမှ ပြန်လည် ကျန်းမာလာခဲ့တယ် လို့ သူကဆိုပါတယ်။

photo credit

ဒီ စမ်းသပ်မှုရဲ့ X-ray ဓာတ်ပုံတွေ အရ ဒီဆေးဝါးဟာ လူနာတွေရဲ့ အဆုတ်ပြန်လည် ကျန်းမာလာမှုကို ၉၁% အထိ ကောင်းမွန်လာစေပြီး ဆေးမသောက်တဲ့ လူနာတွေရဲ့ အဆုတ်ကတော့ ၆၂% သာ ကောင်းမွန်တာကိုတွေ့ရှိခဲ့ရတယ်လို့ သိရပါတယ်။

ဗိုင်းရပ်စ် အတွက် အဓိကဆေး မဟုတ်ပေမယ့် ဗိုင်းရပ်စ်ကို တိုက်ဖျက်ရာမှာ ဒီဆေးဟာ အလွန်အကျိုးသက်ရောက်မှုရှိပြီး safe ဖြစ်စေတယ် လို့ သူက ထပ်ပြောပါတယ်။ (အွန်လိုင်းပေါ်မှာ တချို့ရေးနေကြသလို ကိုရိုနာဗိုင်းရပ်စ်ကို လုံးဝချေဖျက်ပစ်နိုင်တာမဟုတ်ပဲ ကူးစက်ခံရသူတွေကို မြန်မြန် ကျန်းမာလာစေဖို့ ကူညီပေးတဲ့ ဆေးသာဖြစ်ပါတယ်)

တရုတ်နိုင်ငံမှာ ပြီးခဲ့တဲ့လ ကစလို့ ဒီဆေးကို ဂျပန်ကနေ အစိုးရခွင့်ပြုချက်နဲ့ တင်သွင်းပြီး အသုံးပြုခဲ့တာဖြစ်ပါတယ်။ လက်ရှိအချိန်ထိ တရုတ်နိုင်ငံမှာ ကိုရိုနာဗိုင်းရပ်စ် ကူးစက်ခံရသူစုစုပေါင်း ၈၁၀၀၀ ကျော်ရှိခဲ့ပြီး ဒီအထဲက ၃၂၄၁ ယောက် သေဆုံးခဲ့ကာ ၆၉၀၀၀ ကျော် ပြန်လည်ကျန်းမာလာတဲ့ အတွက် လောလောဆယ် ကူးစက်ခံထားရသူ အရေအတွက်ကတော့ ၁ သောင်းစွန်းစွန်းပဲ ရှိပါတော့တယ်။

photo credit
photo credit

တကယ်တော့ တရုတ် သုတေသနပညာရှင် တွေပြောတဲ့ Avigan တဖြစ်လဲ Favipiravir လို့လည်း သိကြတဲ့ဒီ တုပ်ကွေး ကာကွယ်ဆေးကို ဂျပန်မှာ ၂၀၁၄ ခုနှစ်တည်းက စတင်ထုတ်လုပ် အသုံးပြုခဲ့တာဖြစ်ပါတယ်။ ဒီဆေး ထုတ်လုပ်တဲ့ကုမ္ပဏီကတော့ Fujifilm Holdings Corporation ရဲ့ ကုမ္ပဏီခွဲ တစ်ခုဖြစ်ပါတယ်။

Fujifilm ကို ကင်မရာကုမ္ပဏီ အဖြစ်သာ အများစုသိကြပေမယ့် ဒီကုမ္ပဏီဟာ ဓာတ်ပုံ နဲ့ ကင်မရာပစ္စည်းတွေ သာမက ဆေး နဲ့ ဆေးဝါးဆိုင်ရာပစ္စည်းတွေ နဲ့ အလှကုန်ပစ္စည်းတွေကိုလည်း အကြီးအကျယ်ထုတ်လုပ်နေတဲ့ ကုမ္ပဏီလည်း ဖြစ်ပါတယ်။ ဒီသတင်းကို Fujifilm ကုမ္ပဏီက တာဝန်ရှိသူတွေက ဘာမှတ်ချက်မှ မပေးပေမယ့် ချက်ချင်းအဝယ်လိုက်လာတဲ့ အတွက် ကုမ္ပဏီရှယ်ယာတွေဟာ ၁၅% နီးပါး ရုတ်ချည်း တက်သွားခဲ့တယ်လို့ သိရပါတယ်။

Add a Comment

Your email address will not be published. Required fields are marked *